पाटन पर्यटन विकास संस्थाय् भाजु दिलेन्द्र राज श्रेष्ठया नायःसुइ ११ म्ह दुजः दुगु न्हूगु ज्यासना पुचः ल्यःगु दु । पुचःया नकतिनि हे क्वचाःगु दँमुंज्यां न्हूगु ज्यासना पुचः ल्यःगु खः ।
पुचःया न्वकू कृष्णलाल महर्जन, मूछ्यान्जे सतिस शाक्य, दांभरिं मोहन ब्यञ्जनकार व ल्यूछ्यान्जे आफुलाल अवाले जुयादीगु दु । अथे हे ज्यासना पुचःया दुजलय् गौतम श्रेष्ठ, लक्ष्मण कृष्ण राजभण्डारी, सगुन धाख्वाः, धर्मराज शाक्य, अनिल शाक्य व सरिता अवाले च्वनादीगु दु ।
वि.सं. २०५३ दँय् पलिस्था जूगु थुगु संस्थां यलय् सम्पदा यात्राया रुटया पहिचान व यात्रा सन्चालनया लिसें दँय्दँसं विश्व पर्यटन दिवसया लसताय् थी थी ज्याझ्वः यानावं वयाच्वंगु दु । अथे हे परम्परागत शैलिया छेँयात संरक्षण यानाः पर्यटकीय आवास स्थलया विकास यायेगु लिसेंया थी थी ज्यां यानाः यलया पर्यटन विकासय् दुग्यंगु योगदान जूगु दु धकाः न्वकू महर्जनं कनादिल ।
