पछिल्लो समय नेपाल भाषालाई प्राथमिकता दिदै सरकारी सञ्चार माध्यमबाट समाचार प्रसारण गरि नेपाल भाषालाई समान गर्दै आएको छ। यसै क्रममा राष्ट्रिय समाचार समिति (रासस) ले गत मंगलबारदेखि नेपालभाषा समाचार प्रेषण र प्रकाशन गर्ने कार्य शुरुआत गरेको थियो भने नेपाल टेलिभिजनले पनि नेपाल भाषामा बुधबारदेखि शुभारम्भ भएको छ ।
नेपालभाषाको पत्रकारिता सय वर्ष पुगेको अवसरमा मातृभाषा शताब्दी वर्ष मनाइरहेको बेला यसरी सरकारी सञ्चार माध्यमबाट समाचार प्रकाशन भएको सन्दर्भमा प्रेश विज्ञप्ती जारी गर्दै नेवा: पत्रकार राष्ट्रिय दबूले नेपाल टेलिभिजन र राष्ट्रिय समाचार समिति (रासस) ले समाचार प्रसारण भएकोमा देशैभरीका नेवार पत्रकारहरुको राष्ट्रिय संगठन दबू निकै हर्षित भएको बताएको हो ।
येसैबिच नेपाल आदिवासी जनजाति पत्रकार महासंघ (फोनिज)ले पनि नेपाल टेलिभिजनले नेपालभाषामा समाचार प्रसारण शुरुआत गरेकोमा स्वागत गरेको छ ।
दबूका अध्यक्ष नृपेन्द्रलाल श्रेष्ठबाट जारी विज्ञप्तीमा नेपालभाषाको पत्रकारिता सुरुआत भएको सय वर्ष पुगेको अवसरमा सो कार्यले नेपाल भाषा प्रत्रकार जगतको महत्व धरै उठेको बताइएको छ ।
यसै बीच नेपाल टेलिभिजनले नेपाल भाषामा, रेडियो नेपाललले दनुवार भाषामा र राससले मैथिली तथा नेपाल भाषामा समाचार प्रकाशण प्रसारण सुरु गरेको छ ।
सञ्चार तथा सूचना प्रविधिमन्त्री पृथ्वीसुब्बा गुरुङले समाजको विविधतालाई बचाई राख्न भाषाभाषीको समाचार जरुरी भएको बताउनुभएको छ ।
मन्त्री गुरुङले मुलुकको विविधतालाई संरक्षण गर्न विविध भाषामा समाचार दिनुपर्ने जरुरी भएको बताउनुभयो । मन्त्री गुरुङले नेपाल टेलिभिजनले विविधताभित्र एकताको खोजी गर्नुपर्ने र विगतमा बहिष्करणमा परेका समुदायलाई ध्यानमा राखेर काम गर्नुपर्नेमा जोड दिनुभयो ।
नेपाल टेलिभिजनको ‘नेपालभाषा समाचार प्रसारण’ शुभारम्भ कार्यक्रमको उदघाटन गर्दै सञ्चार तथा सूचना प्रविधिमन्त्री गुरुङले विविधताभित्र एकताको खोजी गर्नुपर्ने र विगतमा बहिष्करणमा परेका समुदायलाई ध्यानमा राखेर काम गर्नुपर्नेमा जोडदिनु भयो ।उहाँले विभिन्न भाषिक कार्यक्रमले रेडियोप्रति अपनत्वबोध गराउने विश्वास व्यक्त गर्नुभयो ।
रेडिय नेपालका कार्यकारी निर्देशक अमरध्वज लामाले भाषा संरक्षणको अभियान रेडियो नेपालले राम्रो गरिरहेको उहाँले चर्चा गर्नुभयो । हाल सरकारी संचारमाध्यमहरुमा गोरखापत्रले ४४ भाषाको पृष्ठ प्रकाशन गरिरहेकोछ ।
नेपाल टेलिभिजनले ७ भाषाको समाचार बुलेटिन र १४ कार्यक्रम प्रशारण गरिरहेको छ भने राससले पनि पछिल्लो समय नेवारी र मैथिली भाषाको बुलेटिन सुरु गरेको उहाँले बताउनुभयो ।
सरकारी सञ्चार माध्यमले सुरु गरेको भाषिक कार्यक्रमले सबै समुदायलाई सरकारी सञ्चारमाध्यमप्रति आत्मबोध गराउने सरकारको विश्वास छ ।
