काठमाडौं, नेपाल – प्रतीक्षित काठमाडौं म्याराथन २०२५ आगामी शनिबार, १ नोभेम्बर २०२५ मा आयोजना हुँदैछ । स्वास्थ्य, एकता र सहनशीलताको यो वार्षिक उत्सवमा सबैलाई सहभागी हुन हार्दिक आह्वान गर्दछौं। विद्यालयका विद्यार्थी, अनुभवी खेलाडी, शिक्षक, बैंकका कर्मचारी, व्यवसायी, रेस्टुरेन्टका कर्मचारीदेखि कम्पनीका CEO सम्मको लागी काठमाडौं म्याराथनले सबै उमेर समूह र पेशालाई एउटै मञ्चमा ल्याउँछ। यो केवल दौड मात्र होइन, प्रत्येक पुस्तालाई खेलकुद, स्वास्थ्य, अनुशासन र एकताको सन्देश दिने अभियान हो। साना बालबालिकाहरू परिवारसँगै सहभागी हुन सक्ने Family Run बाट सुरु हुँदै, ४० वर्षमाथि सहभागिका लागि Masters Category (४०+, ५०+, ६०+) समेत व्यवस्था गरिएको छ।
विद्यालयका विद्यार्थीहरूको लागि ३ किमी School Run, सर्वसाधारणका लागि ३ किमी Open Run,, ५ किमी Open Run र १० किमी Open Run उपलब्ध छ। कर्पोरेट तथा अन्य समूहहरूको लागि Group Run को पनि व्यवस्था गरिएको छ। यस वर्षको म्याराथनमा early bird registration मा १००० जना सहभागीहरूले दर्ता गरिसकेका छन्, तर दर्ता अझै खुला छ। हामी ५००० जनालाई दौडाउन अपेक्षा राखेका छौँ। सबैलाई आमन्त्रण छ—एकै साथ दौडौँ, स्वस्थ रहौँ र खेलकुदको उत्सव मनाऔँ। यस ऐतिहासिक अवसरमा हामी प्रत्येक नेपाली नागरिक, कम्पनी र विद्यालयहरूलाई अगाडि आउन र समर्थन गर्न हार्दिक अनुरोध गर्दछौं।
हामी सबै मिलेर आफ्ना सन्तानका लागि खेलकुदको महत्व देखाउने, र “खेलकुद सबैका लागि हो, स्वास्थ्य नै सबैभन्दा ठूलो धन हो” भन्ने सन्देश फैलाउने परम्परा अगाडि बढाऔं। आउनुहोस्, सबै मिलेर काठमाडौं म्याराथन २०२५ मा दौडौं, उत्सव मनाऔं र इतिहास बनाऔं!
