येँ– नेवाः सूचना केन्द्रया खुक्वःगु दँमुंज्या थौं तःजिक हंगु दु । नेवाः सूचना केन्द्रया नायः रमिता बज्राचार्यया नायःसुइ जूगु दँमुंज्याया ज्याझ्वलय् राससया का.मु महाप्रबन्धक राजु शाक्य, न्हूदँ समारोह समितिया नायः डा नरेशमान बज्राचार्य, विराट नेपालभाषा साहित्य सम्मेलन गुथि,ख्वपया नायः महेन्द्र गोपाल कर्माचार्य , परोपकार संस्थाया नायः हितकर वीर सिंह कंसाकार, वर्ल्ड नेवाः अर्गनाइजेशन नेपाः च्याप्टरया नायः सुरेन्द्र भक्त श्रेष्ठ लगायतया उपस्थिति दुगु खः।
ज्याझ्वलय् थःगु नुुगःखँ तयेगु झ्वलय् नेपालभाषा टाइम्सया सम्पादक सुरेश किरण मानन्धरं सूचना केन्द्रयात नेपालभाषाया बुखँ संकलन यायेगु केन्द्रकथं विकास यानाः ब्यवसायिक रुपं न्ह्याः वनेमाः धकाः थःगु नुगःखँ तयादीगु दु ।
ज्याझ्वलय् ब्वतिकापिं अप्वः धया थें पाहांपिन्सं सूचना केन्द्रयात फुकसियां थःथःगु थासं फुकथं ग्वाहालि यायेमाःगु खँय् बः बियाः थःपिनि नुगःखँ प्वंका दीगु खः । ज्याझ्वलय् ज्याझ्वः न्ह्याकामि पविव कसाः नं लसकुस न्वचु तयादीगु खः।
वंगु खुदँ न्ह्यवंनिसें सूचना केन्द्रं नेपालभाषाया थी थी ज्याझ्वःया प्रत्यक्ष प्रशारण यानावयाच्वंगु दु।
