‘चिपगु नीलः’ नेपालभाषा कथा साहित्यिक क्षेत्रमा प्रख्यात केशरमान ताम्राकारले लेख्नुभएको ‘चिपगु नीलः’ कथामा निर्माण भएको शर्ट फिल्म आज ने.सं. ११४४ तछलाथ्वः द्वितीया, शनिबार (जेठ २६ गते) कीर्तिपुर सिनेप्लेक्समा प्रिमियर भएको छ । युवा निर्देशक योवन शाक्यको यस फिल्ममा सालुगु गाचा’ र ‘अय्लाः लू वया’ अनि भर्खरै जस्तो ‘माया मदु ला’ जस्तो निकै प्रख्यात म्यूजिक भिडियोका रील जोडी मनोज महर्जन र नेरिसा महर्जनका साथै नवीन थेच्वमि, गंगा महर्जन, सुनिता श्रेष्ठ, सलिना महर्जन, चिरिबाबु महर्जन र हसना महर्जन अनि बाल कलाकारको रुपमा यसमा ओस्मी रञ्जितको पनि अभिनय समावेश गरिएको छ ।
युवा निर्देशक योवन शाक्यले यस अघि पनि शहिद,आजु द्यः, बाघ भैरब, ध्वः छध्वः रेखाया जस्ता शर्ट मूभिका अवार्ड विनर निर्देशक योबन शाक्यको नै पटकथा लेखनमा ‘चिपगु नीलः’ तयार भएको छ ।
यस शर्टफिल्मको सम्बाद लेखन उमेश स्थापितले गर्नुभएको छ भने श्रृंगार सुषमा परियार, संगीतकार यचु शाक्य, प्रोडक्सन म्यानेजर उजय शाही, प्रोजेक्ट म्यानेजर ओम रञ्जितकार र सजना महर्जन, छायाँकार रकि महर्जन रहनु भएको छ । ‘चिपगु नीलः’को टाइटल ट्राय्क निभाः डंगोलले गाउनुभएको छ ।
