न्हूदँ ११४५ तःजिक न्यायेकेगु नितिं राजेन्द्र प्रसाद श्रेष्ठयात नायः कथं ल्यःगुनेपाल संवत राष्ट्रिय न्हूदँ समारोह समिति ११४५ सचिवालयपाखें थीथी उप–समितिया मुँज्या च्वनाः न्हूदँ हनेत तयारी जुयाच्वंगु जानकारी ब्यूगु दु ।
सचिवालयं ब्यूगु जानकारी कथं न्हूदँ हनेगु नितिं नीनिगू उप–समिति नीस्वंगु खःसा थथे नीस्वंगु उप–समितिया मुँज्यात च्वनाः तयारी ज्या न्ह्याकूगु जानकारी ब्यूगु दु ।
सचिवालयं ब्यूगु जानकारी कथं वंगु कार्तिक ६ गते भिंतुना कालबिल व कौला ज्याझ्वः क्वचाःगु, कार्तिक ५ गते प्रधानमन्त्रीयात ब्वनापौ लःल्हायेगु ज्या क्वचाःगु, कार्तिक १० गते मिसा भेला यायेगु निर्णय जूगु, थुगु दँया नारा क्वःछीगु ज्या क्वचाःगु, संचार उप–समितिया मुँज्या क्वचाःगु, मञ्च माईक व्यवस्थापन उप–समितिया मुँज्या क्वचाःगु, तिथिपौया मुँज्या क्वचाःगु, थीथी जातीय खलःपुचःनाप सहलह मुँज्या क्वचाःगु, ट्राफिक सुरक्षा व स्वयंसेवक मुँज्या क्वचाःगुदु ।
