वर्ल्ड नेवाः अर्गनाइजेशन, यूरोप कोर्डिनेटर अले न्यूज नेपाःया जर्मनि प्रतिनिधि भाजु कुमार नापितया मां वंगु मंगलबारखुन्हु मन्त । नेपाः देय्या ख्वपय् मूछेँ जूम्ह जर्मनीया ल्यूनबर्गय् रेस्टुरेन्ट ब्यवसाय यानावं च्वनादीम्ह कुमार नापित आः मांया अन्तिम संस्कारया निंतिं नेपालय् झायादीगु दु ।
नेपाल संबत १०६० यंलाथ्वः तृतिया, बुधबारखुन्हु बूम्ह, कुमार नापितया मां शोभा नापित वंगु ११४५ प्वहेलाथ्वः पारु, मंगलबारखुन्हु ख्वपय् मदुगु खः । वय्कःया खुम्ह काय् व प्यम्ह म्ह्याय् मध्यय् कुमार नापित दकलय् तःधिम्ह काय् खः । न्यूज नेपाःया जर्मनी प्रतिनिधि तकं जुयादीम्ह कुमार नापितया मां मदुगुलिं थुगु मिडिया परिवारपाखें दुनुगलं बिचाः हायेका च्वना ।
