तेकु, बमबिकटेश्वर ,पचलिभैरव ल्यूने दबुली ‘कविताया लाय्कू’या ग्वसालय् सम्पदा विषयक बहुभाषिक कविता वाचन ज्याझ्व: जूगु दु। ‘कविताया लाय्कू’या छ्यान्जे रजनिमिलाया मुंज्या नायःसुइ उगु ज्याझ्वः न्ह्याःगु खःसा मूपाहाँकथं येँ महानगरपालिकाया उपमेयर सुनिता डंगोल झायादीगु खः।
अथे हे विशिष्ट पाहांकथं बुढानीकण्ठ नगरपालिकाया उपमेयर व कवि अनिता लामा, भाषा आयोगया माननीय दुजः,कवि,च्वमि,पत्रकार सुरेश किरण, नेपालभाषा एकेदेमीया भाइस चान्सलर डा. मल्ल.के.सुन्दर, नेपालभाषा एकेडेमीया सदस्य सचिव डा. पुष्पराज राजकर्णिकार, वरिष्ठ कवि तथा मुक्तककार एवम् कथाकार उषा शेरचन, नेपाल संगीत तथा नाट्य प्रज्ञाप्रतिष्ठानया दुजः नापं कवि,गजलकार धीरेन्द्र प्रेमहर्षि, येँ महानगरपालिका वडा नं.१२ या नायः बालकृष्ण महर्जन, बमबिकटेश्वर संरक्षण गुथिया प्रतिनिधि राज राणापिं झायादीगु खः। ज्याझ्वलय् नेवाःभाय्या लिसें देय्या १० गुलिं मयाकं थी थी भासं कविता ब्वनेज्या जूगु खः ।
