यल नेपालभाषा सहजकर्ता पुचः पाखें थ्वहे वइगु ने।स। ११४५ थिलागाः पन्चमि शुक्रवाः, बि।सं। २०८१ पौष ५ गते योमरि पुन्हीया लसताय् त्यः छिं त्यः ज्याझ्वः सुथंसिया १० ताः इलंनिसें पाटन हाईस्कुल, यलध्वाखाय् जुइगु छगू प्रेस विज्ञप्ती पिथना जानकारी बियादुगु दु । यलया ४० गू ब्वनेकुथिया स्यनामिपिनिगु नेतृत्व यानाः दिम्ह यल नेपालभाषा सहजकर्ता पुचःया नायो पवित्र कुमारं योमरि पुन्हीलिसें वइगु दिनसं स्वलाया दुने साहित्यिक ज्याझ्वः लिसें थीथी गतिबिधि वइगु दिनसं ज्याझ्वः यायेगु न्ह्यथनादिगु दु ।
उगु विज्ञप्तीइ नेपालया संविधानय् व्यवस्था जूकथं स्थानीय मातृभाषा अनिवार्य शिक्षा कायगु व ब्वनेकुथिइ ब्वने दइगु व्यवस्था दुगु जुल । थुगु व्यवस्थाकथं महानगरपालिका यल महानगरपालिका अन्तरर्गत सञ्चालन जुयाच्वंगु सामुदायिक ब्वनेकुथिइ नेपालभाषा सहजकर्ता सहशिक्षकया पदय् पीम्ह स्यनामि आधिकारिकरूप शिक्षा महाशाखापाखे नियुक्ति जूगु जुल । फुक्क धइथे ब्वनेकुथिइ ब्वनामिपि गैरनेवाः मंचात दुगु जुयाः थ्व स्यनामिपिनिगु निति चुनौतिया विषय जुल ।
इलय्ब्यलय् वइगु समस्यायात सहलह यानाः व्याकाः मचातय्त बालाक्क स्यनेकने यायेगु ज्याः सुथालाक्क न्याकेयानिति थुगु पीगु ब्वनेकुथिया नेपालभाषा स्यनामिया मंका पुचः दयेकागु जुल । स्थानीय पाठ्यक्रमकथं भाषा नापनापं स्थानीय संस्कृति, संस्कार, तजिलजि, तिसाः, वस, बसजा, ज्याभः नसात्वँसा, नखःचखः स्यनेगु झ्वलय् इलय्ब्यलय् थीथी उपाय यानाः क्यनाः स्यनावयाच्वनागु जुल। जिपिं सकले भाषाप्रेमी, संस्कृतिप्रेमी जुयाः जिमिसं भाषाजक मधासे परम्परा, संस्कृति न स्यनाः थुइका वनाच्वनागु जुल।
झीगु म्हसिका झीगु मांभाय् व तजिलजि खः थुकियात स्वाके फःसा झीपिं म्वाइ, झीपि नापं झीगु नेपाः देय् न हलिमय् छ्यं ल्ह्वनाः धस्वाना च्वनेफइ धइगु जिमिगु धापू दु । भाषायात सामुदायिक विद्यालयय् जक सिमित मयासे त्वाःत्वालय् नं थ्यंकेगु जिमिगु आज्जु खः । ब्वनेकुथिया सिमित तगिमय् जक नेपालभाषा लिकुनाः मतय्त भावी योजना दय्काः न्ह्याः वनेगु वनेगु, भाषा नापनापं संस्कार न घानाः यंकेगु जिमिगु म्हगस खः। मचानिसें बुरातक नेवाः भासं न्ववाकेगु जिमिगु तातुना खः । गुगु नं थाय्या भाषा व संस्कारया सम्बन्ध ला व लुसि थे जुयाच्वनी भाषा म्वाःसा संस्कार म्वाइ संस्कार म्वा भाषा म्वाइ । संस्कारपाखें संस्कृति दयाच्वनी झी नेवाःत संस्कृति व संस्कारय् तमि। लाला पतिक, वा वा पतिकं नखःचखः हनेगु । थःगु बुँइ थीथी अन्न सयेका, नखःचखः पतिक थःगु हे पहः मुल्यमान्यता दुगु वैज्ञानिकरूप हे ईव्यः कथं स्वस्थवगु थीथी नसात्वंसा दय्का यः छाना समाजय् इनाः नये सपि भीपि। थ्वहे ज्ञां ब्वनामिपिन्त न स्यने फःसा इमिसं न भाषा नापनापं संस्कृतियात न मतिना याइ याकनं सय्की धइगु जिमिगु आज्जु दु । थ्व हे आज्जुयात पुवंकेत नखःचखः हनेगु हे झ्वलय् योमरीपुन्हिया लसताय् जिमिगु पुच पाखें त्यछि त्यः ज्यावः यायेगु ग्वसाः ग्वया ।
त्यःछि त्यः ज्याक्वः स्यनामि, ब्वनामिपिनिगु मंका ज्याभवः जुइगु जुल नगरप्रमुखया अभिभावकत्वय् स्थानीय जनप्रतिनिधि, समाजसेवी न्ह्यलुवात, स्वनामिपि ब्वनामि मचात सकले छथाय मुना पारस्पारिक सम्बन्ध स्वाकास् बांलागु समाज दयकेज्याः जिमिगु कुतः खः । ग्वसाः खलः सामुदायिक ब्वनेकुथिया नेपालभाषा सकल सहजकर्ता मका पुचः खः । पाठ्यक्रमकच व्यकेमागु यः मरिपुन्हि व त्यछि त्यः म्येयात थुगु ज्याव न यक्व हे बालाक्क थुइकेत वः बिइगु जुइ। थुकि पाठ्यक्रम जक मखु ब्वनामिया समुदायनापया स्वाप, संस्कृतिनाप सतिकेगु, नैतिक शिक्षा बालागु बानियात न सकेंगु पक्षय तिवः बिइ। थुगु ज्याझ्वःया खं तयेदया जिपि तसकं लय्ता धकाः प्रेस विज्ञप्ती पाखें न्ह्यथनादिगु जुल ।
