काठमाडौँ – नेपालभाषाको चर्चित पत्रिका ‘देसय् मरु झ्याः’ का सम्पादक एवमं प्रकाशक प्रदीपमान श्रेष्ठको निधन भएको छ । उहाँको ६७ वर्षको उमेरमा आइतबार निधन भएको हो।
आइतबार साँझ आफ्नै निवास काठमाडौंको मरूमा आकस्मात भर्याङ्गबाट लडेर घाइते भएको र उपचारका लागि अस्पताल लैजाने क्रममा उहाँको निधन भएको पारिवारिक स्रोतले जनाएको छ ।
श्रेष्ठको अन्तिम संस्कार आइतवार राती पशुपतिमा गरिएको छ।
उहाँले नेपालभाषाको राजमति वाःपौमा प्रधान सम्पादक भएर विसं २०४८ देखि २०५० सम्म काम गर्नु भएको थियो भने पछि आफ्नै सम्पादन र प्रकाशनमा देसय् मरु झ्याः’ पत्रिका निकाल्नु भएको थियो। जुन पत्रिका २० वर्षसम्म निरन्तर प्रकाशन भएको थियो। उहाँ राष्ट्रिय समाचार समितिका संचालक समितिका पूर्व सदस्य पनि हुनुहुन्थ्याे ।
