यल – यलया धापाख्यलय् जूगु ज्याझ्वलय् निगू म्यूजिक भिडियोया पितब्वज्या जूगु दु। ज्ञानमाला भजन मेहालामि पुचःया न्ह्यब्वया– ‘जगतया गुरुवर गौतम बुद्ध ….’ व हर्षलाल महर्जनया न्ह्यब्वया– ‘वा जिन्दगिया छ हे पासा …..’ म्यूजिक भिडियो पितब्वज्या जूगु खः । ज्याझ्वः म्हीग नेपाल संवत् ११४३ यंलागाः आमै, सनिबारखुन्हु धापाख्यः ज्ञानमाला भजन मेहालामि पुचः व झ्वःछेँ धिमे भजन खलःया ग्वसालय् धापाखेल बुद्ध विहारय् जूगु खः।
हर्षलाल महर्जनया मुंज्या नायःसुइ जूगु ज्याझ्वलय् मूपाहांकथं यल महानगरपालिका वडा ल्याः २३ या वडा अध्यक्ष जीवन महर्जन व विशिष्ट पाहांकथं भाजुपिं विजय रत्न तुलाधर, पौभाः साय्मि, स्वतन्त्र महर्जन, रामकृष्ण खड्गिपिं झायादीगु खः ।
ज्याझ्वलय् थी थी पाहांपिन्सं पितब्वज्या जूगु म्यूजिक भिडियोयात कयाः थःपिनि नुगःखँ प्वंकादीगु व म्यूजिक भिडियोस स्वानादीपिन्त व पाहांपिन्त सुभाय् पौ लःल्हायेगु ज्या नं जूगु खः ।
h 154
154
1164
15
