नेपाः पासा पुचः अमेरिकाय्या ग्वसालय् न्हूदँ ११४४ व नेपाः पासा पुचः अमेरिकाय्या ३२ गूगु बुसादँ हनीगु जूगु दु । मेरिल्याण्डया गेथेस्बर्ग शहरय् वइगु कौलाथ्वः पन्चमि, सनिबारखुन्हु थी थी ज्याझ्वः यानाः न्हूदँ हनेत्यंगु खः ।
नेपाः पासा पुचः अमेरिकाय्या छगू मू उद्देश्य धयागु अमेरिकाय् नेवाः संस्कृति प्रवर्द्धन यायेगु खः । थुगुसिया ज्याझ्वलय् राष्ट्रिय विभुति शंखधर शाख्वाःया प्रतिमा तयाः न्हूदँ हनिगु जूगु दु । स्वदँपतिं न्हूगु ज्यासना पुचः नीस्वनेकथं थुगुसी न्हूगु ज्यासना पुचः नं ल्यइ । ज्याझ्वःया लिपांगु ब्वय् थी थी सांस्कृतिक ज्याझ्वः जुइसा उकिया लिपा झ्वःभ्वय् नं जुइ ।
दँयदँसं न्ह्याका वयाच्वंगु थ्व ज्याझ्वलय् वासिंगतन डिसी मेट्रो एरियाया नेवाः, गैर नेवाः लिसें विदेशीतय्सं नं ब्वति कया वयाच्वंगु खः । ज्याझ्वलय् ब्वति कायेत ग्वसाः खलकं सकसित इनाप याःगु दु।
