नारी छम्ह जन्मदर्ता ख, शृष्टिकर्ता खः, सहनशीलताया मूर्ति खः।
द्वापरयुगनिसें थौंतक थ:गु अस्मिता ल्यंकेत दनदन च्यानाच्वंगु मिई क्वब्वाना: संघर्ष यानावःम्ह शक्ति खः नारी।
सपुत बुइकिम्ह जननी खः, सृजनाया प्रतीक खः।
थ:म्ह दु:खसिया ख्वबि हाय्का: सुख मेपिन्त बिइम्ह देवि खः नारी।
नारी छ छम्ह मांया रुपय्, कलाया रुपय्,तताया रुपय्, छ हे केंहेया रुपय् न्ह्यागु हे रुपय् नं बहुप्रतिभाशाली न्ह्यागु हे रुपय् नं बहुप्रतिभाशाली सकसित छप्प छधि याय्फुम्ह ज्ञानी छ।
जीवनय् स्वां जुयाः सुगन्ध छरेयाइम्ह मिसा छ हे खः थःगु यौवनं मन्त्रमुघ्न याइम्ह जादु नं मिसा छ हे खः।
आ: गा:त, आः सह यानाच्वने मजिल छं अन्याय विरुद्ध पला न्ह्याकि छं
छंगु गर्भं जन्मेजुया नं बलात्कार याइपिं दानव दनि थन
वास्नाया रहरय् नारी शोषण याइपिं आतक दनि थन
उकिं, अन्याय अत्याचार सह याय्मते छं दुर्गा,कालीमाताया रुप का: छं।
गर्व ता छम्ह मिसा जि झ्यातुगु ल्वंहत पंग जुसा नं कलकल न्ह्यानाच्वंगु खुसि जि
थःगु लक्ष्य क्वात्तुक ज्वना: मद्दीक्क न्ह्या: वनाच्वम्ह इलंचा जि
गर्व ता छम्ह मिसा जि
गर्व ता छम्ह मिसा जि
कृता वज्राचार्य ,कवयित्री
