हलिं नेवाः दबूया ग्वसालय् नेपालभाषाया प्यंगः थां मध्ये छगः थां कवि योगवीर सिंह कसाःया सच्छि व स्वीच्याक्वःगु बुदिं हंगु दु । वय्कःया योगसुधा काब्य सपूmया बारे सहलह यायेगु ताः तयाः वंगु आइतबार ने.सं. ११४४ बछलाथ्व पञ्चमी खुन्हु जूमय् जूगु ज्याझ्वः जूगु खः।
मुँज्याय् हलिं नेवाः दबूया केन्द्रीय नायः संयुक्त श्रेष्ठं न्हू प्रविधिकथं प्रोग्राम दयेकाः योगवीरया किपाय् न्ह्यःने त्वाः देवा च्याकाः उलेज्या यानादीगु खः ।
ज्याझ्वलय् योगवीरं च्वयादीगु प्राचिल चाल नांगु भजन म्येहालामि प्रवोध कसाः नं न्यंकादीगु खः । प्रा. प्रेमहिरा तुलाधरं योगवीर सिंहया जीवनी न्ह्यब्वयादिसे वय्कः छम्ह दूरदर्शिम्ह, थौंया ईयात तकं सान्दर्भिक जूगु चिनाखँ च्वयादीम्ह अतिकं च्वन्ह्याःम्ह कवि खः धयादिल ।
अथेहे तुलाधरं योगविर सिंहया बारे छगू स्मृति ग्रन्थ पिकाये माःगु खँ न्ह्यथनादिल ।
थुकथं हे मुँज्याय् लोककवि राजभाइ जकःमिंं योगविर सिंहया छन्द पक्षयात कयाः न्वं वासे वय्कःया न्यापु चिनाखँ छन्द लसं न्यंकादीगु खः ।
साहित्यकार लोचन तारा तुलाधरं योगवीरंं नेपालभाषाय् जकमखु उगु इलय् खय् भासय् नं जोगवीर सिंह उदासया नामं तसकं नांजाःम्ह कवि खः धयादिल ।
योगवीर सिंहया गुइगुदँया म्ह्याय् चन्दावति कसाः नंं थः झिदँ दुबलय् थःअबु योगवीर सिंह मदुगु खँ कनादिलसाः वय्कःया छय् कीर्ति तुलाधरंं योगवीर कविता च्वयेगुया नापनापं उगु इलय् हे व्यवसाय व उद्योगया ख्यलय् कापः धुकू नामं न्ह्याः वनादीगु खँ न्ह्यथनादिल ।
लोककवि जकःमिंं संयोजन यानादीगु व हलिं नेवाः दबूया मूदुजःलिसें डब्लूडिबीया कजि डा. नरेश शाक्यंं न्ह्याकादीगु मुँज्याय् दबूया संस्थापक नायः बालगोपाल श्रेष्ठंं ब्वतिकयादीपिं सकसितं सुभाय् बियादीगु खः ।
