नेवाः अर्गनाईजेसन अफ अमेरिकाया ग्वसालय् मेरिल्याण्डय् दँय्दसं थें थुगुसी नं येँयाःपुन्हि हनीगु जूगु दु । बोय्दस् शहरया ब्लाकहिल पार्कय् वइगु अक्टूबर ७, शनिवारखुन्हु थी थी ज्याझ्वः यानाः ११ क्वःगु येँयाःपुन्हि हनेत्यंगु खः ।
थुगुसीया ज्याझ्वलय् कुमारी रथ यात्रा, पुलुकिसि, लाखे, परम्परागत नेवाः बाजं, थी थी सांस्कृतिक ज्याझ्वः नापं नेवाः समय्बजि दुथ्याःगु ग्वसाःखलकं धाःगु दु । दँय्दँसं न्ह्याका वयाच्वंगु थ्व ज्याझ्वः वासिंगतन डिसी मेट्रो एरियाया नेवाः, गैर नेवाः लगायत विदेशीतय्गु निंतिं नं तसकं आकर्षक ज्याझ्वः जुया वयाच्वंगु दु ।
ज्याझ्वः, समय्बजि, पार्किंग नापं सकतां ब्यवस्थापन ग्वसाःखलकं याइगु व थ्व सकतां स्वकुमिपिनि निंतिं पूवंक निःशुल्क जुइ ।
ज्याझ्वलय् ब्वति कायेत ग्वसाखलकं सकसित इनाप नं याःगु दु।
