इमेज च्यानल बाट प्रदर्शन गरिँदै आइरहेको ‘ख्वताबजि’ कार्यक्रमको एक हजार भाग पूरा भएको अवसरमा हिजो शनिबार एक भब्य कार्यक्रम सिकाली खोखना रिसोर्टमा सम्पन्न भएको छ।
कार्यक्रममा महानगर पालिका का उप-मेयर सुनिता डगोल प्रमुख अतिधि र चर्चित अभिनेता एबंम हास्य कलाकार मदन कृष्ण श्रेष्ठ विशेष उपस्थितिमा भएको थियो। मुख्य अतिथि डंगोलले पानसमा बत्ती प्रजोलन गरि उक्त कार्यक्रमको उद्घाटन गर्नुभएको थियो । मुख्य अतिथि काठमाण्डौं महानगर पालिकाका उपप्रमुख डंगोलं एक समयमा आफू पनि ‘ख्वताबजि’सँगै कार्यक्रममा भाग लिएको कुराको स्मरण गर्नुभयो ।
उक्त नेपालभाषा टेलिभिजन क्षेत्रमा प्रख्यात कार्यक्रम ‘ख्वताबजि’ समूहले यस कार्यक्रमका प्रथम निर्देशक राजु स्यस्यः र प्रथम लेखक हृदय प्रसाद मिश्रलाई वहाँहरुको योगदानलाई कदर गर्दै सम्मानित गरिएको थियो । सम्मानितहरु लाई उपप्रमुख डंगोलले मुख्य अतिथिको रुपमा वहाँहरुलाई सम्मानपत्र अर्पन गर्नुभएको छ भने कार्यक्रममा ख्यालिजुजु मदनकृष्ण श्रेष्ठ, इमेज च्यानलका महाप्रबन्धक रघुवर भक्त मानन्धर र ‘ख्वताबजि’का लेखक निर्देशक सुरेन्द्र तुलाधरहरुले खादा र फूलको माला लगाइदिनु भएको थियो ।
कार्यक्रममा समाजसेवी र ‘अय्लाः अय्लाः’ बोलको प्रख्यात गीतका गायक गोपाल कृष्ण महर्जन, फिल्म बितरक गोपाल काजी कायस्थ सहितको उपस्थिति रहेको थियो भने धेरै कलाप्रेमीहरुको समेत उपस्थिति थियो । उक्त कार्यक्रममा ‘ख्वताबजि’लाई विभिन्न किसिमले सहयोग गर्नुभएका महानुभावहरुलाई धन्यवादपत्र अर्पन गरिएको र धेरै कलाकारहरुले आआफ्ना प्रस्तुतिहरु राख्नुभएका थिए ।
