नेपालभाषासेवीलिसें कलाकार, ख्यालः च्वमि गणेश साय्मियात तःजिक हनेगु लागि नेवाः भाय् ह्यःमिपिनि मुंज्या जूगु दु । मुंज्या थौं सुक्रबार (ने.सं. ११४३ दिल्लाथ्वः पन्चमि) येँया नेपाः ब्यांक्वेटय् जूगु खः। मुंज्यां नांजाःम्ह ख्यालःमि व भाय्ह्यःमि साय्मियात थ्व हे दिल्लागा पंचमी (असार २३ गते शनिबाः)तःजिक हना ज्याझ्वः यायेगु धकाः क्वःछ्यूगु खः।
अथेहे हनाज्याझ्वः यायेत राजेन्द्र मान शाक्ययात कजि ल्यसे सुजिव बज्राचार्य, वीर प्रसाद भन्सालि, नवीन मानन्धर, मचाराजा महर्जन, गौतम मानन्धर, सत्य नारायण डंगोल, जुजुकाजि रन्जित, नगिना जोशी, बिगेन तुलाधर, नारायण दास मानन्धर, कमलतारा तुलाधर, मनरत्न शाक्य, अमृत ताम्राकार व राजिव राजोपाध्यायपिन्त दुजःकथंलिसें सल्लाहकारकथं मल्ल के. सुन्दर, कृष्णगोपाल श्रेष्ठ, निरन्जन रत्न शाक्य, कृष्ण अर्याल, आशाकाजि थकू व डा. चुन्दा बज्राचार्ययात दुथ्याकाः समिति नीस्वंगु खः।
