नेवाःभाय् ह्यःमि, कलाकार गणेश साय्मियात हनेगु निंतिं हना समितिं थौं वय्कःयात ब्वनापौ लःल्हाःगु दु । समितिया कजि राजेन्द्र मान शाक्यया नेतृत्वय् सुजिब बज्राचार्य, बिगेन तुलाधर, सुरेश किरण मानन्धर, जुजु काजी रन्जित, नारायण दास मानन्धर, गौतम मानन्धर, मन रत्न शाक्यपिं कलाकार साय्मिया छेँय् वनाः ब्वनापौ लःल्हागु खः ।
ज्याझ्वलय् समितिया कजि शाक्यं वय्कःयात ब्वनापौ न्यंकाः खादां क्वखायेकादीगु खः । हनाज्याझ्वः आः वइगु दिल्लागाः खस्थि , सनिबार (असार २३ गते) सुथय् ७ ताः इलय् जुइगु समितिया कजि राजेन्द्र मान शाक्यं न्यूजनेपाः डट कमयात कनादिल ।
वय्कःयात हनेगु निंतिं तयारी कथं म्हिगः थी थी कलाकार, भाय्ख्यःया थी थी ब्यक्तिपिनिगु मुंज्यां च्वंगु खः । हनाः ज्याझ्वः न्यूजनेपाः डट कमं प्रत्यक्ष प्रशारण यायेत्यगु दु ।
