अमेरिकाया पोर्टल्याण्डय् न्हापां खुसी नेपाःमि समुदायया सहभागिताय् बृहत स्टार लाइट र्यालि क्वचाःगु दु । र्यालि पोर्टल्याण्डया नृत्य मण्डल महाविहारया गुरुजु प्रज्वल रत्न वज्राचार्यं ब्यवस्थापन यानादीगु खः ।
रोज फेस्टिभल फाउन्डेशनया इनापय् न्ह्याःगु र्यालिइ नेपाल एसोसियसन अफ ओरेगन एनएओ, डान्स मण्डल/नृत्य मण्डल, दबुलि, नेवाः अर्गनाइजेशन अफ अमेरिका सियाटलं ब्वति काःगु खः ।
कोरोना महामारी क्वचाःगु घोषणाधुंकाः ओरेगनय् तःधंगु र्यालिया ग्वसाः ग्वःगु खः । र्यालिइ जातीय वसःनापं नेपाःमि समुदायं ब्वति काःगु खःसा चर्या प्याखं, धिमे बाजं, कुमारी रथया लिसें थी थी ब्वज्या न्ह्यब्वःगु खः ।
