नेपाल संबत् ११४४ न्हूदँया लसताय् हलिं नेवाः दबू, अमेरिकापाखें नेपालभाषाया नांजाःपिं बाखंच्वमि मुनाः चिबाखं मुंज्या जूगु दु। ज्याझ्वः वंगु सनिबार जूमपाखें जूगु खः।
हलिं नेवाः दबू, अमेरिकाया वरिष्ठ उपाध्यक्षलिसें बाखं च्वमि केशर मान ताम्राकारया कजिसुइ झिंन्याम्ह बाखंमिपिन्सं बाखं मुंज्यायात बाखं दुतिना दीगु खः ।
निगू ब्वय् ब्वथलाः न्ह्याकीगु थुगु चिबाखं मुंज्याया न्हापांगु ब्वकथं वंगु सनिबार भूषण प्रसाद श्रेष्ठ, अपर्णा प्रधान, ध्रुब मधिकःमि, दिब्या बज्राचार्य व अञ्जना ताम्राकारपिन्सं थःथःपिनि बाखं ब्वनादीगु खः ।
थुकथं हे मेगु सनिबार ल्यं दनिपिं झिम्ह बाखं च्वमिपिं विमल ताम्राकार, ज्ञानिराजा मानन्धर, निजिरोस श्रेष्ठ, नारद बज्राचार्य, रितादेवी प्रधान, रासा, रेणु श्रेष्ठ व केशरमान ताम्राकारपिन्सं बाखं ब्वनादी । थुगु ज्याझ्वःसं हलिं नेवाः दबू, अमेरिकाया नायः प्रमेश श्रेष्ठं लसकुस न्वचु बियादीगु खः ।
