काठमाण्डौ – आज पनि सुनचाँदीको भाउ घटेको छ ।
अस्ति सोमबारयता सुनचाँदीको भाउ लगातार घटेको हो । आज सुनको भाउ तोलामा ६०० रुपैयाँले घटेर तोलाको २ लाख ७७ हजार ३०० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
यसअघि हिजो सुनको भाउ तोलाको २ लाख ७७ हजार ९०० रुपैयाँ रहेको थियो । हिजो सुनको भाउ तोलामा ४ हजार ५०० रुपैयाँले र सोमबार तोलामा १ हजार ४०० रुपैयाँले घटेको थियो । कारोबार हुने हप्ताको पहिलो दिन आइतबार भने सुनको भाउ तोलामा ४ हजार ७०० रुपैयाँले बढेको थियो ।
त्यस्तै आज चाँदीको भाउ तोलामा १५ रुपैयाँले घटेको छ । भाउ घटेर चाँदी आज तोलाको ४ हजार २७० रुपैयाँमा कारोबार भइरहेको महासंघले जनाएको छ । हिजो चाँदी तोलामा २५ रुपैयाँ र अस्ति १५ रुपैयाँले घटेको थियो ।
आइतबार चाँदी तोलाको ४ हजार ३२५ रुपैयाँमा कारोबार भएको थियो ।
