काठमाडौं– सिंगापुर एयरलाइन्सको विमानमा गम्भीर टर्ब्युलेन्स अर्थात् हावामा अचानक हुने हलचलका कारण २० जनाको मेरुदण्डमा गम्भीर चोट लागेको छ ।
बैंककको एक अस्पतालका प्रमुखले ती घाइतेको सघन उपचार कक्षमा रहेको बताएका छन्। बैंककको अस्पतालमा भर्ना भएका मध्ये एक दुई वर्षीय बालक पनि छन् ।
सिंगापुर एयरलाइन्सको विमान एसक्यू ३२१ लन्डनबाट सिंगापुरको लागि मंगलबार गम्भीर टर्ब्युलेन्समा परेको थियो । यस घटनामा ७३ वर्षीय ब्रिटिश नागरिक जियोफ किचेनको मृत्यु भएको थियो ।
