यल – जापानं नेपाल चाह्यूवपिं जेष्ठ नागरीक व यलया नःत्वाः मंकाः खलःलिसे स्वापू दुपिं जेष्ठ नागरीकतदथुइ यलय् अन्तरक्रिया ज्याझ्वः जूगु दु। नःत्वाः मंकाः खलःया नायः कदम लाल महर्जनया नायःसुइ क्वय्ना गनेद्यइथाय् म्हीगः बुधबाः जूगु अन्तरक्रिया ज्याझ्वलय् जेष्ठ नागरीकतय्सं जीवनया उत्तरार्धय् थःथपिन्स यानाच्वंगु अनुभव कालबिल याःगु खः।
अन्तरक्रिया ज्याझ्वः जापानं थुथाय् नेपाल झाया च्वनादीम्ह नरेश महर्जनया पहलय् जूगु खः। ज्याझ्वलय् ७८ दँया किसियामा फुसानोरी, ८८ दँया सुगियामा नोबोरु व ८४ दँया सुगियामा टोमोकोपिन्सं थःपिनि खँ तयादीगु खः।
ज्याझ्वलय् खलःया नायः महर्जनं थज्यागु ज्याझ्वलं ज्याथजिथिपिनि नुगलय् छगू न्हूकथंया हःपा व शक्ति ब्वलनिगु धकाः धयादिल। ज्याझ्वलय् भाषाविद् पौभाः साय्मिं नेपालभाषा व ज्याथपिनिलिसे स्वापू दुगु थी थी नुगःखँ प्वंकादीगुखःसाः रीता महर्जनं ज्याथपिनि थुंदीगु चिबाखं न्यंका दीगु खः ।
जापानया ३ व नत्वाःया २२ म्ह जेष्ठ नागरीकतय्सं ब्वति काःगु खःसाः वय्कपिन्त संगः बियाः हंगु नं खः।
