चैत्र १५ गतेनिसें न्ह्याःगु येँया तःजिगु जनबहाःद्यःया रथजात्रा थौं हनुमानध्वाखां सालाः लगमय् थ्यंकाः याः न्यायेकीगु जूगु दु ।थौं शुक्रवाः न्हिनय् स्वता इलय् सालीगु ई क्वःछिनातःगु जनबहाःद्यःया रथजात्रा लगमय् थ्यंकाः याः न्यायेकेधुंकाः कन्हय् चैत्र १८ गते लगमय् च्वंगु मांसिमा चाःहिइकाः याः न्यायेकीसा याः न्यायेधुंकाः भ्वय् नयेमाःगु परम्परा दु ।
जनबहाःद्यःया जात्राया हे झ्वलय् कंस चैत्र १९ गते आइतवाः जनबहाःद्यःयात खतय् तयाः जात्रा यानाः केलत्वालय् च्वंगु जनबहाःया देगलय् जनबहाःद्यःयात विराजमान याकाः जात्रा क्वचायेकी ।
