यें -वीर अस्पतालं ७०० गू जनरल बेड निःशुल्क याःगु दु । म्हिगः च्वंगु अस्पतालया कार्यकारी परिषद्या मुंज्यां ७०० गू जनरल बेड निःशुल्क यायेगु धकाः क्वःछ्यूगु खः ।
चिकित्सा विज्ञान राष्ट्रिय प्रतिष्ठान (न्याम्स)या सहकुलपति नं जुयादीम्ह स्वास्थ्यमन्त्री मोहनबहादुर बस्नेतया निर्देशनय् अस्पतालं ७०० गू बेड निःशुल्क याःगु खः । थ्वयां न्ह्यः वीर अस्पतालं जेनरल बेडया २०० तका ध्यबा कयाच्वंगु खः।
जेनरल बेड निःशुल्क याःसां नं वीरया क्याबिन व आइसियूया शुल्क धाःसा अथे हे कयाच्वंगु दु ।
वीर अस्पतालय् मुक्कं ९५० गू बेड दु ।
