यल – हलिं नेवाः दबूया नेतृत्वय् जुयाच्वंगु गुगल ट्रान्सलेशनया ज्या ताःलाकेत भाय् सरलिकरणया निंतिं यलय् छगू सहलह ज्याझ्वः जूगु दु । सहलह ज्याझ्वः क्वपुंद्वलय् दुगु साटोआकि भवनय् म्हिगः नेपाल संबत् ११४३ दिल्लागाः एकादसि, बसुबारखुन्हु जूगु खः ।
गुगल ट्रान्सलेशन नेपाःया ग्वसालय् जूगु ज्याझ्वलय् भाषाविद् विष्णु चित्रकारं नेपालभाषा व्याकरणय् एकरुपता हयेत भाषाया स्वभावया बारे जानकारी बियादीगु खः ।
गुगल ट्रान्सलेशन नेपाःया कजि शाक्य सुरेनं ज्याझ्वलय् लसकुस न्वचु बीगु झ्वलय् गुगल ट्रान्सलेशनया थी थी पक्षयात कया न्ववानादिसें थी थी पुचः दयेकाः थ्व ज्या सुथांलाक न्ह्याका वनेगु खँ न्ह्यथना दीगु खः।
