केबिएस लुभु (लुभु वेभ स्टुडियो)को आयोजनामा, नेपालभाषाको म्यूजिक भिडियो ‘मछालेगु बानि…’ यूट्यूबमा १० लाख भ्यूज पुगेको अवसरमा उक्त म्यूजिक भिडियोका सम्पूर्ण टिमलाई सम्मान गरिएको छ । उक्त गीत प्रसिद्ध साहित्यकार प्रा. सुवर्ण शाक्यले लेख्नुभएको हो ।
काठमाण्डौं, नेपाः ब्यांक्वेटमा हिजो बिहीबार भएको उक्त कार्यक्रममा मुख्य अतिथिको रुपमा बागमती प्रदेशको सामाजिक विकासमन्त्री हरिप्रभा खड्गी श्रेष्ठ सहभागी हुनुभएको छ भने उक्त कार्यक्रम म्यूजिक भिडियोका निर्माता मोति-हर्ष फाउन्डेशनका अध्यक्ष सुनिलकुमार शाक्यको सभाध्यक्षतामा भएको हो ।
कार्यक्रममा केबिएस लुभुका ब्यवस्थापक कृष्णभक्त श्रेष्ठ (केबिएस)ले सबैलाई स्वागत गर्नुहुँदै केबिएसका तर्फबाट निर्माता सुनिल कुमार शाक्य र कलाकार रवि डंगोललाई सम्मान पत्र अर्पण गरी सम्मान गरिएको छ ।
कार्यक्रममा ‘मछालेगु बानि …’ म्यूजिक भिडियोका गीतकार शाक्य स्वास्थ्यका कारण अनुपस्थित हुनुभएकोले वहाँका छोरा रोशन शाक्य र भाइ ज्योति शाक्यलाई सम्मानित गरिएको छ ।त्यसै गरी निर्देशक सुजन बज्राचार्य ‘ख्वपय्’, क्यामरा पर्सन तथा सम्पादक शैलेश श्रेष्ठ, गायिका निशा देशार, कलाकारहरु दिपेश डंगोल, निशा डंगोल लगायत सम्पूर्ण कलाकारहरुलाई धन्यबाद पत्र सहित सम्मान गरिएको छ । ‘मछालेगु बानि…’ गीत म्हाः म्हाः इन्टरटेन्टमेन्टको अफिसियल यूट्यूब च्यानलबाट प्रदर्शन गरिएको हो ।
