येँ – प्रधानमन्त्री पुष्पकमल दाहाल प्रचण्डया जहान सीता दाहाल मन्त । ताःइलं निसें मफया च्वंम्ह वय्कः थौं सुथय् नर्भिक अस्पतालय् मदुगु खः ।
चान्हय्निसें स्वास्थ्य अवस्था तच्वः जुइधुंकाः वय्कःयात सुथय् अस्पताल यंकूगु खः । वासः यायेगु झ्वलय् वय्कः सुथय् ८ ताः जुयाः ३३ मिनेट वंकाः मदुगु धकाः नर्भिक अस्पतालं धाःगु दु ।
वय्कः पार्किन्सन थज्याःगु लक्षण दुगु जटिल ल्वचं कयाच्वना दीम्ह खः ।
वय्कःया सीम्ह श्रद्धाञ्जलिया निंतिं थौं ११ ताः इलंनिसें १ ताः ईतक पार्टीया केन्द्रीय ज्याकुथि, पेरिसडाँडा, कोटेश्वरय् तइगु व २ ताः इलय् पशुपतिया आर्यघाटय् अन्तिम संस्कार याइगु धकाः माओबादी केन्द्रं धाःगु दु ।
