येँ – नेवाः देय् दबूया थःगु हे छेँ दनेगु निंतिं येँ महानगरपालिका वडा ल्याः १५ चःमतिया थःगु हे जग्गाय् जग स्वनेगु ज्या जूगु दु । नरेश मान बज्राचार्य व मन्जुश्री रत्न बज्राचार्य गुरुजुपिन्सं थौं नेपाल संबत ११४३ दिल्लागाः द्वादसि, सुक्रबारखुन्हु सुथसिया साइतय् पुजा यानाः जग स्वनादीगु खः ।
ज्याझ्वलय् जनकवि दुर्गालाल श्रेष्ठ, नेवाः न्ह्यलुवाः मल्ल के. सुन्दर, पुलांपिं मन्त्रीपिं राजेन्द्र श्रेष्ठ¸ जीवनराम श्रेष्ठ, येँ महानगरपालिकाया उपमेयर सुनिता डंगोल, वडाअध्यक्षपिंया लिसें नेवाःख्यःया थी थी ब्यक्तित्वपिं झायादीगु खः । ज्याझ्वलय् आर्थिक ग्वाहालि याना दीपिन्त सुभाय् पौ द्यछायेगु ज्या नं जूगु खः ।
जनस्तरं आर्थिक ग्वाहालि म्हयाः मुंकूगु ध्यबां न्याःगु थ्यं मथ्यं प्यंगू आना जग्गाय् दबूया ज्याकूलिसें नेवाः गतिविधिया केन्द्रकथं छेँ दनेत्यंगु खःसा थुकिया निंतिं येँ महानगर पालिकां ग्वाहालि याइगु जूगु दु ।
