श्री दिगुख्यः गुथिया ३६ क्वःगु दंँ मुंज्या मल्टि भेन्यु, नयाँ बजारय् नेपाल सम्बत ११४३ चौलागा दशमी २०८० बैसाख २ गते शनिवाः कुन्हु जुइगु जूगु दु ।
उगु ज्याझ्वलय् नायो तारावीरसिं तुलाधरं लसकुस न्वचु, छ्याञ्जे विजय रत्न तुलाधरपाखें वार्षिक प्रतिवेदन, दांभरिं गितम तुलाधरपाखें ल्याःचाः, निवर्तमान नायो रमेश तुलाधरपाखें न्वचु, मिसा पुचःया नकिं मय्जु प्रेमहिरा तुलाधरपाखें न्वचु, संरक्षक पुचःया नायो भाजु मोतिकाजी तुलाधरपाखें न्वचु विइगु खँ सी दुगु दु ।
थुकथं हे उगु दँ मुंज्याय् सिरपा व हना ज्याभ्वः नं न्ह्याकीगु जूगु दुसा मुंज्या नायो भाईकाजी तुलाधरपाखें न्वचु बिइगु सी दुगु दु । ज्याझ्वलय् ज्यासना पुचःया न्वकु विद्या सागर तुलाधरं सुभायु् न्वचु वबिया अन्तय् लुखा सिरपा चाय्कीगु जूगु दु ।
भ्वय् पालापिंपाखें सुथय् पकनाज्वःया दिगुख्यलय् पुजा न्ह्याकीगु जूगु दु । प्यक्वःगु भ्वय् पाला (लाभालुछे, खापामदु दुवाः “क“ कवः, किसिध्वाका कवः व धालासिक्व कवःयापिं खः ।
