यल- नेपालभाषा मंकाः खलः यलया ग्वसालय् १५ न्हुया व्यक्तित्व विकासलिसें उद्घोषण तालिम क्वःचागु दु। तालिमया समापन ज्याझ्वः मंगलबाः मंकाःखलः, यलःया हलय जूगु खः।
मंकाः खलः यलया नायः हिराकाजी महर्जनया नायःसुइ जूगु ज्याझ्वलय् यल महानगरपालिका वडा ल्याः ७ या नायः कुल बहादुर महर्जन, मंकाः खलः यलया सल्लाहकारलिसें पुलांम्ह नायः जुलुम लाल चित्रकार, मंकाः खलः यलया छयाञ्जे महेन्द्र महर्जन, तालिम उपसमितिया कजि शैलेन्द्र कुमार शाक्य, प्रशिक्षक रमना बज्राचार्यपिन्सं व्यक्तित्व विकासलिसें उद्घोषणया तालिमया महत्वयात कयाः थःथःपिनि बिचाः तयादीगु खः।
ज्याझ्वः तालिमया प्रशिक्षार्थीपिन्सं हे न्ह्याकूगु खः। थुगु तालिमय् मुक्कं २१ म्ह प्रशिक्षार्थीपिन्सं ब्वति काःगु खः।
