वलः लुमन्ति
अन्जना ताम्राकार
वलः लुया: हाकनं छक लुमन्ति
न्ह्याय्कनय् जिगु नुगया छपालं
वलःजुया: पासा ल्यू ल्यू ख्वबि
ख्वबि झूचाल नुगः जिगु छपातं
मखु वने गवसं त्वता: ल्हा:जिं
स्वां नाप नस्वाथें च्वने झी धाम्हं
च्वने जःनाप किपालुथें पला पतिं
थौं वन वाना:ख्वबिया पुखुलि छं
वलः ब्वया म्हिगयागु लुमन्ति
लापचाथें मिखाया नानीचाय् सं
च्वनि नुगयात साला छंगु लुमन्तिं
लापचित सातु सालिथें मत जःलं
च्वनि अगिंमथलय् मी ग्वाथें ग्वाना लुमन्ति
च्वनि झ्वालाथें क्वब्वाना लुमन्ति नुगलं
ता छं याथें स्पर्ष सिच्चुगु फय् या स्पर्षसय् नं
वसां लुकुं बिना सुर्द्यथें छः राप छंगु मतनिं
