आठौं अधिवेशन रोक्न अन्तरिम आदेश जारी गर्नु नपर्ने निर्णय उच्च अदालत, पाटनले नेवाः देय् दबूलाई आठौं अधिवेशन रोक्न अन्तरिम आदेश जारी गर्नु नपर्ने निर्णय गरिएको छ । आज सोमबार उच्च अदालत, पाटनमा भएको बहसपछि अदालतले त्यस प्रकारको आदेश जारी गर्नु नपर्ने निर्णय भएको छ ।
नेवाः देय् दबूको गतः बछलागाः चौथि, शुक्रबार देखि पञ्चमी, आइतबार (जेठ २ गते देखि ४ गते)सम्म हुने भनिएको आठौं अधिवेशन नेवाः देय् दबूका संस्थापन पक्ष भनिएका ब्यक्तिहरूले संस्थापकहरूका अधिकार कटौती गरिएको भनी उच्च पाटन, पाटनमा रिट गरिएको र उच्च पाटनले आज सोमबार दुबै पक्षलाई बोलाई अन्तरिम आदेश जारी गर्ने वा नगर्ने भन्ने विषयमा विमर्श गर्न बोलाइएको हो । तर अदालतले गतः बछलागाः चौथि, शुक्रबार (जेठ २ गते) अल्पकालीन आदेश जारी गरिएकाले गण्डकी प्रदेशको कावासोतीमा भइरहेको आठौं अधिवेशन स्थगित गरिएको हो ।
अदालतले तत्कालका निमित्त अन्तरिम आदेश जारी गर्नु नपर्ने निर्णय गरिए पनि दुबै पक्षबाट आवश्यक कागजातहरू अदालतमा पेश गर्न आदेश भएको छ ।
