आज राष्ट्रिय विभूति शंखधर साख्वाः दिवस मनाइँदै

काठमाण्डौ – नेपाल संवतका प्रवर्तक राष्ट्रिय विभूति शंखधर साख्वाः दिवस आज विभिन्न कार्यक्रम आयोजना गर्दै मनाइँदैछ । नेपाल सरकारले शंखधर साख्वाःलाई राष्ट्रिय विभूति घोषणा गरेको तिथि (कछलाथ्व दशमी)  ‘शंखधर साख्वाः दिवस’ का रूपमा मनाउने गरिन्छ ।

तत्कालीन नेपालका गरिब जनतालाई ऋण मुक्त गरी नयाँ युगको थालनी स्वरुप नेपाल संवत् आरम्भ गरेका कारण उहाँको परोपकारी कार्यको कदर स्वरुप नेपाल सरकारले २०५६ साल ( नेपाल संवत् ११२०) को आजैको तिथिमा शंखधर साख्वाःलाई राष्ट्रिय विभूति घोषणा गरेको थियो ।

यसै अवसरमा आज नेपाल संवत् न्हूदँ राष्ट्रिय समारोह समिति ११४४, राष्ट्रिय विभूति शंखधर साख्वाः प्रतिष्ठान,  लगायतका संघ सस्थाले उहाँको सालिकमा माल्यार्पण,  सालिक परिसरमा दिपावली  लगातयका विभिन्न  कार्यक्रम गर्दैछन्।