भाषासेवी, उद्योगपति, समाजसेवी, राजनीतिज्ञ, धर्मसेवी लिसें नेवाः न्ह्यलुवाः मदुम्ह लक्ष्मीदास मानन्धरया झ्वाता येँ महानगरपालिका १७ वडा थँहितिया शान्ति शिक्षा मन्दिरय् थौं शुक्रवाः पलिस्था याःगु दु ।
भाजु मानन्धरं उगु ब्वनेकुथि पलिस्था यायेगु नितिं मदिक्क यानादीगु योगदानयात लुमंकूसें थथे ब्वनेकुथिइ झ्वाता पलिस्था याःगु खः ।
मानन्धरं उगु ब्वनेकुथि धस्वाकेगु नितिं जग्गा न्यायेत आर्थिक ग्वाहालि यानादीगु खःसा वय्कः ताःईतक उगु ब्वनेकुथि संचालक समितिया नायः जुयाः ज्या यानादीगु खः ।
थौं ब्वनेकुथि ७३ दँ क्यंगु लसताय् जूगु ज्याझ्वःस येँ महानगरपालिकाया मेयर बालेन शाह नं मानन्धरया झ्वाता उलेज्या यानादीगु खः ।
७३ दँ क्यंगु लसताय् जूगु ज्याझ्वलय् थीथी दातापिंपाखें याःगु ग्वाहालियात लुमंकूसें ब्वनेकुथिया प्रधानाध्यापक सुदाम प्रसाद गौतमं सुभाय् पौलिसें हंगु खः । ज्याझ्वलय् २०१५ सालय् एसएलसी परीक्षाय् पास जूम्ह संस्कृतिविद् डा. त्रिरत्न मानन्धरयात नं हनेज्या याःगु खः ।
