ज्याःजंको दँ पुलेृधुंकू्रपिं देव तुल्यकथं नाला हनावना तयगु ज्या याना वयाच्वंगु दुसा वयकःपिन्त हौसला बियाः जीवनयापन यायगु ज्याखँय् आत्मबल थहां वयकेत हनावना तयगु ज्यां तःधंगु तिवः वियाच्वंगु दु ।
थुकथंया हे भावनायात आत्मसात याना तवः (ताम्राकार) समाज येँपाखें ज्याःजंको पुलेधुंकूपिं ताम्राकार समुदायया ज्याःथःजिथिपिन्त लाजिम्पातया कैलाशचौर दिगु ख्यलय् हनावना तयाः नेसं ११४३ चिल्लाथ्व द्वादसि २०७९ साल फागुन २० गते शनिवाःया दिनय् हनेज्या याःगु दु । थुगु ज्याथःजिथि हना ज्याझ्वलय् गुइगुदँया जिथि व गुइखुदँया ज्याथया तकं ब्वति दुगु खःसा न्हयन्याम्हयात हनेज्या यायमाःगु खःसा छुं छुं व्यत्त्रित्वपिं थःगु वैशया हुनिं उपस्थित जुइ मफूगु नं खः ।
उगु हनेज्याया झ्वलय् नेवाः मौलिक परम्पराकथं ख्यें सगं बियाः, क्वखा क्वखायका, दोसल्लां न्ययका, हनापौ देछाया मूर्ति उपहार तकं बियाः हनेज्या याःगु खः । थुकथं हनेज्याया झ्वलय् ख्वीप्यम्ह ताम्राकारपिन्त सदभाव प्वंका हनेज्या याःगु खः ।
थुकथं हनेज्या यायगु झ्वलय् समाजया नायो सूर्य रत्न ताम्राकार, न्वकु प्रवेशमान ताम्राकार, मूछयाञ्जे दिनेश ताम्राकार छ््याञ्जे निरजमान ताम्रानकार, दांभरिं सरजु ताम्राकार लगायतपिन्सं हनावना तया हनेज्या यानादीगु खः । नापं ताम्राकार मिसा पुचलं सगं बिइगु ज्या न्ह्याकादीगु खः ।
ताम्राकारपिनि दिगु द्यः समक्ष पुजाआजा याना थुकथंया ज्याझ्वः न्ह्याकेगु याःगु खःसा उगु हनावनाया झ्वलय्ु मरु व महाबूया स्वसः व न्ययम्ह स्वयां अप्पो ताम्राकारपिनिगु ब्वति दुगु खः ।
थुगु ज्याझ्वलय् समाजया नायो सूर्यरत्न ताम्राकारं लसकुस न्वचु बियादीगु खःसा ज्याझ्वः ज्याथःजिथिपिं पाखें छुं. छुं व्यत्तित्वपिन्सं नं हना ज्याझ्वःया लसताय् थःगु नुगः खँ प्वंकादीगु खः । थुगु ज्याझ्वःया झ्वलय् तवः भ्वय् नं तःजिक न्यायकेगु याःगु खः । थुगु ज्याझ्वलय् उदाय्तयगु गुंगुं थरया खलः पुचःया नायो व छ्याञ्जेपिनिगु नं सहभागिता दुगु खः ।
थुगुु हनावनाया झ्वलय् तवः समाजया नायो भाजु सूर्यरत्न ताम्राकार व मूछ्याञ्जे दिनेश ताम्राकार नाप सम्यक वाःतिं बःचाकधंगु खँल्हावल्हा नं न्ह्याकेगु ज्या याःगु दुसा थुगु बःचाधंगु खँल्हाबल्हाया झ्वलय् वयकःपिन्सं झीसं थुकथं थःगु समुदायया ज्याथः जिथिपिन्त हनावना तयमाःगु आवश्यकता जूया हे हनावना तयगु ज्या यानागु खँ कनादीगु दु । थुकिं याना वयकःपिन्त गाक्कं हौसला जूवनिगु आशा नं कयागु खँ कनादीगु दु ।
