तवः समाजया खुक्वःगु दँ मुँज्यास थुगुसी न्हापांखुसी मरु, पीगंननी च्वन च्वनादीम्ह ९४ दँ दुम्ह केशरमान ताम्राकारयात मिक्षु हिरा तवःज्या हना लःल्हाःगु दु । थुगु तवः ज्या हना सिरपा भिक्षु हिरा फाउण्डेशनपाखें थुगुसी निसें न्ह्याकेगु याःगु खः । थुगु फाउण्डेशन अमेरिकाया शिकागोय् च्वन च्वनादीम्ह साहित्यकार भाजु केशरमान ताम्राकारपाखें स्वनादीगु खः ।
आः तक थुगु भिक्षु हिरा फाउण्डेशनपाखें भिक्षु हिरा साहित्य हना न्यादँ न्ह्यो स्वनाः आः तक न्याम्ह साहित्यकारपिन्त बिइ धुंक्रूगु दु । वयकःपिं साहित्यकारपिं पूर्णकाजी ताम्राकार, पुष्परत्न तुलाधर, सुगत दास तुलाधर, हितकरवीरसिंह कंसाकार, सुवर्णमान तुलाधरपिन्त लःल्हाय् धुंक्रूगु दु । उखुन्हु तिनि थुगु फाउण्डेशनपाखें वरिष्ठ आख्यानकार भाजु मथुरा साय्मिया चिप निप ताहा बाखं सफू प्रकाशन याःगु दु ।
