येँ– नेवाः अर्गनाइजेशन अफ अमेरिकाया पुलांम्ह नायः, वरिष्ठ कलाकार, कोरियोग्राफर व वर्ल्ड नेवाः अर्गनाइजेशनया कल्चरल एम्बेसेडर यज्ञमान शाक्यया मां मन्त । वय्कःया मां ज्ञानिमाया शाक्य ९७ दँया बैंसय् वंगु मंगलबार खुन्हु यलया हःखाय् दुगु थःगु हे छेँय् मदुगु खः ।
मदुम्ह शाक्यया ५ म्ह काय्, ५ म्ह भौ, २ म्ह म्ह्याय्, १ म्ह जिलाजं, २० म्ह छय्पिं, ९ म्ह छय्भौ, ८ म्ह छय्जिलाजंपिं व १५ म्ह छुइपिं दु ।
