अमेरिकाया डि.सि. मेट्रो लागाय् ३२ दँति न्ह्यः पलिस्था जूगु नेपाः पासा पुचः, अमेरिकां सापारु हंगु दु । वंगु ने.सं. ११४३ गुंलागाः तृतिया, सनिबार (२०२३ सेप्टेम्बर २)खुन्हु सापारु हंगु खः ।
थगुने मदया वंपिं छेँजःपिनि लुमन्ती थ्वखुन्हु साया बां ज्यानाः तपुलि पुइगु बाय् कृष्ण बाय् सन्तया रुपय् शहर चाःहीकेगु याइ । नेपाः पासा पुचः अमेरिकां वंगु दँ २०१६ स नेपाःपिने न्हापां खुसी सापारु हंगु व मदिक्क हनावं वयाच्वंगु दु ।
संस्थाया नाय मनोहर श्रेष्ठया कथं थुगुसीया सापारुइ ८ म्ह छेँजःपिन्सं ब्वति कयादीगु व ८ म्हस्यां सायाःकथं मस्तय्त दुथ्याकूगु खः । ज्याझ्वलय् हे ३०० म्हति स्थानिय नेपाःमि व अमेरिकि मूलया जनसमुदायं ब्वति काःगु खः । सापारु ज्याझ्वः क्वचाये धुंकाः ख्यःभ्वय्या नं ग्वसाः ग्वयाः लिपतय थी थी न्ह्यइपुगु कासात नं म्हितुकूगु खः ।
थ्व दक्वं ज्याझ्वः निशुल्क हे जूगु धकाः नायः श्रेष्ठं कनादीगु दु ।
