काठमाडौँ — नेपाली कांग्रेसका अनुभवी, इमानदार तथा जनउत्तरदायी नेता सबुज बनियाँ क्षेत्र नम्बर ६ बाट कांग्रेसको उम्मेदवारका रूपमा चुनावी मैदानमा उत्रिनु भएको छ। शिक्षा, संगठन र पूर्वाधार विकासलाई सधैं प्राथमिकतामा राख्दै स्थानीय तहदेखि जिल्लास्तरसम्म प्रभावकारी नेतृत्व प्रदान गर्दै आउनु भएका बनियाँ आज पनि जनताको भरोसाको उम्मेदवारका रूपमा अगाडि देखिनु भएको छ।
शिक्षा क्षेत्रप्रतिको गहिरो प्रतिबद्धताका साथ उहाँ जलुपा मनोहर, दीपज्योति, विष्णुमतीसहित चारवटै विद्यालयका व्यवस्थापन समितिमा रहेर विद्यालय सुधार, व्यवस्थापन सुदृढीकरण तथा शैक्षिक गुणस्तर अभिवृद्धिमा सक्रिय भूमिका निर्वाह गर्दै आउनु भएको छ। शिक्षामा लगानी नै दीर्घकालीन विकासको आधार हो भन्ने विश्वास उहाँको नेतृत्वको मूल मन्त्र रहेको छ।
सबुज बनियाँको राजनीतिक यात्रा गाविस अध्यक्षबाट सुरु भएको हो। वि.सं. २०५४ सालमा गाविस अध्यक्ष निर्वाचित भई उहाँले स्थानीय शासन, विकास योजना र जनसेवामा उल्लेखनीय योगदान पुर्याउनु भयो। जनतासँग नजिक रहेर काम गर्ने यही अनुभवले उहाँलाई स्थानीय समस्या बुझ्ने, समाधान खोज्ने र कार्यान्वयन गर्ने सक्षम नेताका रूपमा स्थापित गराएको छ।
जनताको विश्वास र समर्थनका आधारमा उहाँ दुई पटक काठमाडौं जिल्ला सभापति (वि.सं. २०७२–२०८१) निर्वाचित भई सफल कार्यकाल सम्पन्न गर्न सफल हुनु भयो। उक्त अवधिमा संगठन सुदृढीकरण, कार्यकर्ता एकता तथा जिल्लाको समग्र विकासका मुद्दालाई अगाडि बढाउन उहाँको भूमिका निर्णायक रह्यो।
आफ्नो कार्यकालमा उहाँले सडक, ढल, खानेपानी, शिक्षा, सामुदायिक भवनलगायत विभिन्न पूर्वाधार विकासका योजनाहरूमा सक्रिय रूपमा योगदान पुर्याउनु भएको छ। योजनाबद्ध विकास, पारदर्शिता र जनसहभागितालाई प्राथमिकतामा राख्नु उहाँको कार्यशैलीको विशेषता रहेको छ।
पार्टीभित्र समयअनुसार परिवर्तन आवश्यक छ भन्ने मान्यताका साथ सबुज बनियाँले सुधार र रूपान्तरणको अभियानमा पनि महत्वपूर्ण भूमिका खेल्दै आउनु भएको छ। करिब ४० वर्षदेखि राजनीति मार्फत निरन्तर संघर्ष गर्दै आउनु भएका उहाँ अनुभव, धैर्यता र समर्पणले भरिएको राजनीतिक जीवनका कारण जनतामाझ लोकप्रिय रहनु भएको छ।
सडक, खानेपानी, शिक्षा, स्वास्थ्य, रोजगारीजस्ता आधारभूत आवश्यकतामा नागरिकको सहज पहुँच सुनिश्चित गर्ने लक्ष्यका साथ उहाँ इमानदार मेहनत र कर्मलाई आफ्नो मूल मन्त्र बनाउँदै अघि बढिरहनु भएको छ। अब जिम्मेवार स्थानमा पुगेपछि जनताको जीवनशैली उन्नत र सहज बनाउने दिशामा अझ पारदर्शी र प्रभावकारी रूपमा काम गर्ने उहाँको प्रतिबद्धता रहेको छ।
विकास केवल संरचनामा होइन, जनजीवनमा देखिनुपर्छ भन्ने विश्वासका साथ सबुज बनियाँ क्षेत्र नम्बर ६ को समृद्ध, व्यवस्थित र उज्ज्वल भविष्य निर्माणतर्फ दृढताका साथ अघि बढिरहनु भएको छ ।
