नेपाली बजारमा पछिल्लो केही दिनदेखि ओरालो लागिरहेको सुनको मूल्यमा आज बुधबार अप्रत्याशित वृद्धि देखिएको छ।
नेपाल सुनचाँदी व्यवसायी महासङ्घका अनुसार आज छापावाल सुनको मूल्य प्रतितोला १४ हजार ६ सय रुपैयाँले बढेर २ लाख ८८ हजार ५ सय रुपैयाँ पुगेको छ।
हिजो मङ्गलबार यसको मूल्य २ लाख ७३ हजार ९ सय रुपैयाँ कायम थियो। सुनसँगै चाँदीको भाउमा पनि उच्च वृद्धि भएको छ। आज चाँदी प्रतितोला ४ सय १५ रुपैयाँले बढेर ४ हजार ९ सय २० रुपैयाँमा कारोबार भइरहेको छ।
अन्तर्राष्ट्रिय बजारमा पनि सुनको मूल्यमा वृद्धि भएसँगै त्यसको प्रत्यक्ष असर नेपाली बजारमा देखिएको हो। हाल अन्तर्राष्ट्रिय बजारमा सुन प्रतिऔँस ४ हजार ६ सय र चाँदी ७४ अमेरिकी डलरमा कारोबार भइरहेको छ।
