सुनसरीको इटहरीस्थित पूर्वाञ्चल क्याफेमा आज बिहान भीषण आगलागी भएको छ। क्याफेको भान्साबाट बिहान करिब १० बजे सुरु भएको आगो दुई घण्टाको प्रयासपछि मात्र नियन्त्रणमा आएको हो।
इटहरी उपमहानगरपालिकाको आफ्नै दमकल विगतको जेन-जी आन्दोलनका क्रममा जलाइएका कारण समयमै आगो निभाउन कठिनाइ भएको थियो। आगलागी सुरु भएको दुई घण्टापछि छिमेकी धरान उपमहानगरपालिका र दुहवी नगरपालिकाबाट आएका दमकल, सुरक्षाकर्मी र स्थानीयवासीको सक्रियतामा आगो पूर्ण रूपमा नियन्त्रणमा लिइएको छ।
हाल प्रहरीले आगलागीबाट भएको भौतिक क्षतिको विस्तृत विवरण संकलन गरिरहेको छ।
