काठमाडौं। इन्टर मिलानले लाजियोलाई २–० ले हराउँदै १६ वर्षपछि पहिलो पटक घरेलु “डबल” (लीग र कप दुवै जित) पूरा गरेको छ।
क्रिस्टियन चिभुको टोलीले यसै महिनाको सुरुतिर तीन खेल बाँकी रहँदै आफ्नो २१औँ लीग उपाधि जितिसकेको थियो।
बुधबार रोमस्थित स्टाडियो ओलिम्पिकोमा भएको कोप्पा इटालिया फाइनलमा एडाम मारुसिचको आत्मघाती गोल र लाउटारो मार्टिनेजको गोलले इन्टर मिलानलाई १०औँ कोप्पा इटालिया उपाधि दिलायो।
उनीहरूको पछिल्लो डबल २०१० मा जोसे मोउरिन्होको नेतृत्वमा भएको ट्रेबलको हिस्सा थियो, जसमा चिभु पनि त्यो टोलीका सदस्य थिए।
चिभुले भने, “लीग र कप जित्नु कहिल्यै हल्का रूपमा लिन सकिने कुरा होइन। हामी धेरै खुसी छौँ।,” यो उनको सान सिरोमा पहिलो सिजन हो।
दुवै गोल पहिलो हाफमै भएका थिए। १४औँ मिनेटमा मारुसिचले कर्नर बल गलत रूपमा हेड गर्दै आफ्नै पोस्टमा गोल गरे।
त्यसपछि मार्टिनेजले १० मिनेट बाँकी रहँदा मार्कस थुरामकोलो क्रसलाई ट्याप–इन गर्दै सिजनको आफ्नो २२औँ गोल गरे।
