समय्बजि पुचःया सुरेन्द्र मानन्धरया नेपालभाषाया मे ‘तुयूमैंचा हाकुमैंचा’ म्यूजिक भिडियो विमोचन जूगु दु । आइतबार जूगु मेया विमोचन ज्याझ्वः सुरेन्द्र मानन्धरया नायःसुइ नेवाः एचडि टेलिभिजनपाखें जूगु खः । वरिष्ठ सिने पत्रकार विजय असंबरे, ईल्वहं प्रकाशनया सम्पादक दर्शनवीर शाक्य, नेवाः पत्रकार राष्ट्रिय दबूया नायः नृर्पेन्द्र लाल श्रेष्ठया पाहांसुइ ज्याझ्वः जूगु खः ।
‘तुयूमैंचा हाकुमैंचा’ मेय् न्हू मेहालामिपिं सिरिष मानन्धर व सुजल मानन्धरं सः बियादीगु खः । सुरेन्द्र मानन्धरं च्वयादीगु मेय् सुरेन मान शाक्य व सुरेन्द्र मानन्धरं लसय् हनादीगु खः । मेय् या एरेन्जर धासा अन्जन श्रेष्ठ यानादिगु ख:।
सुरेन्द्र मानन्धरं निर्देशन यानादिगु म्यूजिक भिडियोय् कलाकारकथं शिरीष मानन्धर, सुजल मानन्धर, तृषा मानन्धर, सलिशा मानन्धर, सुरेन्द्र मानन्धर, रामकृष्ण खड्गी “जुजु”, रबिता बके व इन्द्र मानन्धर म्हितादीगु खः । मेया छायांकन अमन महर्जन, दृष्य सम्पादन इन्द्र मानन्धर, नृत्य निर्देशक किरण जोशीपिन्सं यानादीगु खः।
ज्याझ्वःया लिपतय् सकल कलाकार, म्यूजिक भिडियोय् दुथ्याना दीपिं सकसितं मतिनाया चिं नं लःल्हाःगु खः । म्यूजिक भिडियो हाइलाइट यूट्यूबपाखें सार्वजनिक जूगु दु ।
