खस नेपाली भाषाका आधुनिक साहित्यमा कलम चलाई रहनुभएका साहित्यकार तथा गीतकार प्रकाश कुइँकेललाई ‘संसार राष्ट्रिय साहित्य तारा सम्मान २०८२’ भाग (२) बाट सम्मानित गरिएको छ ।
संसार्स क्रियशन्स नेपालको आयोजनामा ललितपुर सैंबु स्थित त्रिवेणी ल्याण्डमा मंगलबार भएको एक कार्यक्रममा वहाँलाई यस सम्मान समर्पण गरिएको छ । उक्त सम्मान कार्यक्रममा ललितपुर महानगर पालिका वडा २१ का वडाध्यक्ष रविन्द्र महर्जन मुख्य अतिथिको रुपमा सहभागी हुनुभएको छ ।
कार्यक्रममा नेपालभाषाका पहिलो सिने पत्रकार विजय रत्न असंबरे, पत्रकार श्याम स्मृत, गायिका तथा समाजसेवी, संसार संगीतालयका संरक्षक सरिता महर्जन विशेष अतिथिको रुपमा सहभागी हुनुभएको छ भने गीतकार प्रमोद ढुंगाना, गायक विजय नारायण मानन्धर, कलाकार राजु महर्जन जुजु लगायतको समेत विशेष उपस्थिति रहेका थिए ।
आयोजक समितिका संयोजक स्वतन्त्र संसार महर्जनका अनुसार वरिष्ठ साहित्यकार, कालजयी गीतकार प्रकाश कुइँकेललाई वहाँको निरन्तर साहित्यिक साधना, सिर्जनशीलता र अमूल्य योगदानको कदर गर्दै सम्मान गरिएको हो ।
