स्थानीय बजारमा बिहीबार सुन र चाँदी दुवैको मूल्यमा सामान्य वृद्धि देखिएको छ। नेपाल सुनचाँदी व्यवसायी महासङ्घका अनुसार बुधबारको तुलनामा सुनको मूल्य प्रतितोला ३०० रुपैयाँ र चाँदीको मूल्य ३५ रुपैयाँले बढेको हो।
महासङ्घले आजका लागि छापावाल सुनको दर प्रतितोला ३ लाख २ हजार ५०० रुपैयाँ निर्धारण गरेको छ भने चाँदीको मूल्य प्रतितोला ५ हजार ७४५ रुपैयाँ तोकेको छ।
यसअघि बुधबार छापावाल सुन प्रतितोला ३ लाख २ हजार २०० र चाँदी ५ हजार ७१० रुपैयाँमा कारोबार भएको थियो।
त्यस्तै, गत मङ्गलबार सुनको मूल्य ३ लाख २ हजार ९०० र चाँदीको ५ हजार ६९५ रुपैयाँ रहेको थियो। अन्तर्राष्ट्रिय बजारको उतारचढावका कारण नेपाली बजारमा पनि मूल्य प्रभावित भएको देखिन्छ।
हाल अन्तर्राष्ट्रिय बजारमा प्रतिऔँस सुन ४ हजार ७०० र चाँदी ८७ अमेरिकी डलरमा कारोबार भइरहेको छ।
