नेपाल स्टक एक्सचेञ्ज (नेप्से) मा आज दोहोरो अङ्कको वृद्धि देखिएको छ।
नेप्से परिसूचक १३.५१ अङ्कले बढेर २,८१२.३४ बिन्दुमा पुगेर थामिएको हो।
आज दिनभरिको कारोबारमा ३४० कम्पनीको ३ करोड ४८ लाखभन्दा बढी कित्ता शेयर खरिद-बिक्री हुँदा कुल १२ अर्ब ३ करोड ४४ लाख ६ हजार ३२८ रुपैयाँ बराबरको ठूलो कारोबार भएको छ।
बजारमा आज मिश्रित प्रभाव देखिएको छ। बैङ्किङ, जलविद्युत्, विकास बैङ्क, लगानी, उत्पादन र म्युचुअल फन्ड समूहको सूचक बढेका छन् भने वित्त, होटल, बिमा, लघुवित्त र व्यापार लगायतका अन्य समूह भने ओरालो लागेका छन्।
आज रिलाइन्स स्पिनिङ मिल्स र सोलु हाइड्रोपावरको शेयर मूल्यमा सकारात्मक सर्किट लागेको छ।
रिदी पावर कम्पनी कारोबार रकमका आधारमा र शिवश्री हाइड्रोपावर शेयर सङ्ख्याका आधारमा अग्रस्थानमा रहेका छन्।
