यें – हलि नेवाः दबू, नेपाः कवलं हलिं नेवाः दबूया केन्द्रिय नायः संयुक्त श्रेष्ठयात हंगु दु । दबूया नेपाः कवःया नायः सुरेन्द्रभक्त श्रेष्ठया नायःसुइ शुक्रबाः जूगु ज्याझ्वलय् बागमति प्रदेशया संस्कृति, पर्यटन लिसे सहकारी मन्त्री पुकार महर्जनं दबूया केन्द्रिय नायः श्रेष्ठयात हनादीगु खः ।
ज्याझ्वलय् नेपाः कवःया मू संरक्षककथं समाजसेवी पञ्चवीर सिंह तुलाधर, संरक्षकय् सुवर्णकेशरी चित्रकारयात नं मनोनित याःगु खःसा सल्लाहकारय् नरेन्द्र भक्त हाडा, पुष्कर भक्त माथेमा, अम्बिका श्रेष्ठ, रघुवर भक्त मानन्धर, विजय प्रकाश सँय्जु, नहेन्द्र प्रधान, सुर बहादुर श्रेष्ठ, हरि स्यस्यः व उमेश स्थापित अले दुजलय् अम्बिका तुलाधर, उत्तम श्रेष्ठ, निराकार श्रेष्ठपिन्त मनोनित याःगु खः । अथे हे ज्याझ्वलय् नेपाः कवःया थी थी पदय् मनोनित जूपिन्त नियुक्ति पौ नं लःल्हाःगु खः।
ज्याझ्वलय् बागमति प्रदेशया सांसद शैलेन्द्र बज्राचार्य, येँ महानगर पालिकाया निवर्तमान मेयर विद्यासुन्दर शाक्य लगायतया उपस्थिति दुगु खः।
