येँ– येँ महानगरपालिका वडा ल्याः १६ या वडा अध्यक्ष मुकुन्द रिजाल मन्त । डेंगु ल्वचं कयाः येँया ग्राण्डी अस्पतालय् वासः याकाच्वंम्ह रिजाल थौं सुथय् मदुगु धकाः महानगर स्रोतं धाःगु दु ।
वय्कः न्यान्हुन्ह्यः अस्पतालय् भर्ना जुयादीगु खः । स्वँय् समस्या खनेदयेवं भेन्टिलेटरय् तयाः उपचार जुयाच्वंगु खः ।
वंगु स्थानिय तहया ल्यज्याय् नेपाली कांग्रेसपाखें त्यानादीम्ह रिजाल नेपाली कांग्रेस क्षेत्र ल्याः ७ या नायः तकं जुयादी ।
महानगरपालिकां राष्ट्रिय सभाग्रहय् सुथसिया ११ ताः इलय् श्रद्धाञ्जली प्वंकेगु ज्याझ्वः तयातःगु दु ।
