काठमाण्डाै – फिफा विश्वकप फुटबलको नकआउट चरणमा आज राति आइभरी कोस्ट र नर्वे खेल्दैछैन् । यो खेल राति पौने ११ बजे अमेरिकाको डालास रङ्गशालामा शुरू हुनेछ ।
आइभरी कोस्ट समूह ‘ई’ को उपविजेता र नर्वे समूह ‘आई’ को उपविजेता बन्दै नकआउटमा पुगेका हुन् । आइभरी कोस्ट पहिलो पटक विश्वकपको नकआउटमा पुगेको हो । फुटबल इतिहासमा आइभरी कोस्ट र नर्वेबीच पहिलो पटक प्रतिस्पर्धा हुन लागेको हो ।
विश्वकप फुटबलको नकआउटमा भोलि बिहान पौने ३ बजे उपाधि दाबेदार फ्रान्स र स्वीडेन खेल्दैछन् । फ्रान्स समूह ‘आई’ को विजेता र स्वीडेन समूह ‘एफ’ बाट तेस्रो स्थानमा रहने उत्कृष्ट टोली बनेर नकआउटमा पुगेका हुन् ।
विश्वकपमा फ्रान्स र स्वीडेनबीच पहिलो पटक प्रतिस्पर्धा हुन लागेको हो । यस्तै यी दुई देशबीच अहिलेसम्म २३ वटा अन्तर्राष्ट्रिय खेल हुँदा फ्रान्स १२ र स्वीडेन ६ खेलमा विजयी भएका छन् । यस्तै ५ वटा खेल बराबरीमा सकिएका छन् ।
विश्वकप फुटबलको नकआउटमा भोलि बिहान पौने ७ बजे मेक्सिको र इक्वेडर खेल्दैछन् । यो खेल मेक्सिको सिटी रङ्गशालामा हुनेछ । मेक्सिको समूह ‘ए’ को विजेता र इक्वेडर समूह ‘सी’ बाट तेस्रो स्थानमा रहने उत्कृष्ट टोली बनेर नकआउटमा पुगेका हुन् ।
विश्वकपमा मेक्सिको र इक्वेडरबीच दोस्रो पटक प्रतिस्पर्धा हुन लागेको हाे । सन् २००२ को विश्वकपमा मेक्सिकोले इक्वेडरलाई २–१ ले हराएको थियो ।
यस्तै यी दुई देशबीच अहिलेसम्म २७ पटक प्रतिस्पर्धा भएकोमा मेक्सिको १४ र इक्वेडर ५ खेलमा विजयी भएका छन् । यस्तै ८ वटा खेल बराबरीमा सकिएका छन् ।
